A Asociación Poten100mos leva apoiando a máis de 400 artistas en diferentes situacións de vulnerabilidade e pertencentes a distintos colectivos sociais dende que abriu o seu primeiro Festival DiversidArte en decembro de 2016, estendendo o proxecto a outras localidades da provincia da Coruña.
2022 será o sétimo ano consecutivo no que a Asociación Poten100mos celebra na Coruña o seu DiversidArte, Festival das Artes Inclusivas, cada ano cunha mellor programación, con máis público e nun camiño máis seguro cara a un verdadeiro cambio social a favor da diversidade e inclusión social real e auténtica.
A Asociación Poten100mos é unha organización sen ánimo de lucro que traballa polo desenvolvemento personal e a inclusión das persoas en situación de vulnerabilidade, desenvolvendo actividades dirixidas á súa integración e participación dentro da comunidade cun carácter innovador e eficaz.
Unha das nosas grandes motivacións é traballar por unha sociedade interdependente na que todos encaixamos, capaz de ver a diferenza e a diversidade como parte fundamental da súa riqueza e razón de ser: unha Sociedade Inclusiva. Así mesmo, a Asociación Poten100mos ten como finalidade promover o cambio e a educación social para a normalización das relacións da sociedade con todas as persoas en situación de exclusión, celebrando así a riqueza da diversidade.
DiversidArte é así un apoio creado para a promoción, produción e difusión da Arte onde os seus principais protagonistas son persoas con diversidade intelectual, física, psíquica e sensorial xunto con outros colectivos en situación e risco de exclusión ou non, con actividades que favorezan sinerxías. entre grupos e a súa propia inclusión como artistas na sociedade. Un mundo onde todos encaixamos.
Todos os espazos que utilizamos están libres de barreiras arquitectónicas.
Accesibilidade para persoas xordas:
Mochilas vibratorias e equipamiento FM para persoas xordas en todos os concertos.
Intérprete de lingua de signos no cuentacuentos e no recital poético (23 de setembro) e na Gala final e entrega de premios Diversimacine (24 de setembro).
Todas as curtas e documentais do concurso Diversimacine proxectados están subtitulados para persoas xordas.
